التخطي إلى المحتوى

نقدم لكم عبر موقعنا ” لحظات ” امثال وحكم مغربية ” امثال مغربية ، حكم مغربية ، امثال وحكم مغربية 2019 ، أمثال وحكم مغربية جديدة ، حكم وأمثال مغربية جديدة 2019 ، حكم مغربية جميلة ، أمثال جميلة ، أمثال مغربية قديمة ، أمثال مغربية رائعة ، أجمل الأمثال المغربية ، أجمل الكلمات المغربية ، حكم وامثال شعبية ، امثال وحكم مغربية عظيمة ، أمثال وحكم مغربية ”

 

امــثـــال و حــكـــم مغـــربـيـــة

شْحَال مَا طَالْ اللِّيلْ كَيْطْلَعْ النّهار
أي مهما طال الليل فلا بد للصبح ان ينجلي .

الخُبْز والمَا مَا تْخَلِّي عَلَى القَلْبْ غُمَّه
حكمة مأثورة جرت مجرى الأمثال .

الخُوَّافْ مَا تْخَاف عْلِيهْ أمّه
معنى هذا المثل واضح فالخواف إذا غاب عن أمه وبعد عنها فإنها تظل مطمئنة ليقينها أن ولدها شديد الخوف لن يجرؤ على القرب بما يؤذي بحال

اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ
بخوشة (جمعه بخاخش ) يعبر به عامة عن جميع مخمدات الأجنحة المبالة للسواد المستقذرة المؤذية وهي كالخنفساء كناية عن المرأة الذميمة
تهوس : تضايق وتنغص العيش في استمرار . ومعنى المثل هو رب امرأة قليلة الحظ من الجمال تؤنس زوجها وترغد عيشه خير من حسناء جميلة تزعجه على الدوام وتنغص عليه حاله.

دِيرْ عِينْ شَافَتْ وَعِينْ مَا شِافْتْ
أي : اعمل كأن عينا لك رأت المكروه وعينا اخرى لم تره.

اللِي حْفَرْ شِي حُفْرَه كَيْطِحْ فِيهَا
وهو مثل سائر على وجه الدهر : من حفر لأخيه حفرة وقع فيها.

رَجْعَتْ حْلِيمَه لْعَدَتْهَا القَدِيمَه
هذا رجل (أو امرأة) أقلع عن عادة لديه قبيحة ثم ما لبث ان عاد إليها فكأنما سارت سجية له لا يكاد يخليها حتى تلج نفسه في ارتكابها لجا ملحا.

الدْرَارِي مَا كْلَتْهُمْ تْجَارَه ، وكْسْوَتْهُمْ خْسَارَه .
الدراري : العيال ، الأطفال
والمعنى اضح أن العيال ماكلتهم تجارة وكسوتهم خسارة . الإلتزام بتعهدهم وتربيتهم وقيام شأنهم على الوجه الأصلح تجارة مع الله يثيبك عليها اجزل الثواب ، اما عن كسوتهم وألبستهم كلها خسارة إذ أسرع ما تضيق عن أبدانهم وتقصر عن قامتهم لنموهم السريع أو تبلى أو تفسد من كثرة تعفراتهم وشغبهم .

رْحَمْ الله مَنْ زَار وَخَفّفْ
أي ما أعظم حظ من زار وخفف الزيار ولم يثقل على الناس

رْضِتْ بالوِيلْ والويل ما رْضَي بِيّ بَيَتُّه عَنْدْ رَاسِي وْصْبَحْ عَنْدْ رْجْلِي
الويل : وهو الويل أي الهم والشقاء
ومعنى المثل أن هذا الشخص الحقير الذي عنت بأمره أيما العناية وأكبرته وأعظمت قدره غير حري بهذا التقدير ، فهو وخسيس مهين في اعين الناس وليس بشيء ، أي لا ترفع الدني ، فوق منزلته فيرده الواقع إلى قدره .

اللِّي كَيْعَمْلُه يَبْلِيسْ فْعَام تْعْمله العْكُوزَة فْسَاعهْ
يضرب هذا المثل للتحذير من مكائد العجائز وشرور أعمالهن .

ربّي كَيَرْزَقْ كُل رُوحْ بَاش تْرُوح
أي كل مخلوق رزقه الله جهدا على قدر قوته وصحته فالبعوضة الضئيلة تظل ترعى ثم تروح لمكمنها والفيل يغدوا ويروح بإذن الله مصداقا لقوله تعالى : « وما من دابة في الأرض إلا على الله رزقها ويعلم مستقرها ومستودعها » ( هود الآية 6 )

الدُّنيا حالْ واحْوالْ
المعنى ظاهر يكون المرء تارة مغتما ضائق الصدر محزونا ، ووطورا نشيطا مرحا . وتلكم حال الدنيا.

الدنيا كَتَعْطِي وَ تْكَلَّع وبَعْضْ لُوقَات كَتْكُون عْجُبَه
وللّي اكْلَ فِيهَا و شْرَبْ يَعْمَل بَحْسَاب الْعُقُوبَهْ
تكلع : تقلع أي تمضي
اللي : الذي
كأنه قيل : إنما الدنيا تعطي وتسلب وتقبل على صاحبها وتدبر عنه ، وفي بعض الوقات تطلع عليه بالأعاجيب ، فمن نعم فيها بالأكل والشرب فل يجنب نفسه الركون إليها ولكن فليعمل بحساب العاقبة ، يريد أن الدنيا لا يوثق بها ولا يطمأن إليها .

زَهْقُوا رَجْلِيه مَن الشْوَارِي
زهقوا : زهق بمعنى خرج وزل
الشواري : الحرج ذو الأونين من دوم أو حلفاء
والمعنى الظاهر أن رجليه زهقتا وزلتا من الحُرج فسقط من علا ظهر الدابة وكبا على وجهه
والمعنى الباطن أن الفتى قد فسد بعد صلاح وقبحت أفعاله واعوجت أخلاقه بعد استقامته

الدّار اللّي ما فيها خليع جيعانة
خليع : الخَليع والخَلْع كلمة عربية فصيحة وهي لحم الجزور يطبخ بشحمه ثم يجعل فيه توابل ويحفظ في الخوابي يدخر في الصيف للشتاء وقد سمي الخليع لخلع عظامه من لحمته .
ومعنى المثل أن الدار التي لا خليع فيها جوعى لأن عند أهل الخضر أساس الميرة (العولة ) يومئذ هو الخليع بحيث لم تكن تخلوا منه أي دار ، كل يختزن منه بقدر استطاعته ، فقد ينزل بهم الصيف بغير موعد مثلا فيحضرون له على الفور طاجنا من الخليع مع البيض يقدم لهم مع برا من الأتاي (الشاي) المنعنع الحامي .

الخبز والما ما تخلي على القلب غمة

الكلاس ضامن الفلاس

تخدم بشفار اعياني وما بقى في ابداني ولا نتحت لجيراني

اخدم على عرضك حتى يشيع ومنين يشيع يحدم عليك

الخدمة جات يا الرجل طيح الباب وردها مغازل

اخدم يا صغير لكبري ووفر يا غناي لفقري

خديم الرجال سيدها

خديم الرباعة سيدها

خروج الليالي نعايم خروج الصمايم نقايم

اخدم بكري ولا روح تكري

خياطة مزيانة أحسن من سجية مدبرة

الخيمة الكبيرة، ايلا ما عشات تردف

دخل ياكل الفريك أصبح معانا شريك

دخلناهم يشربوا الرايب قالوا حقنا فالزرايب

درجة بدرجة حتى يحن مول الرجا

دعوة الشريف ولا دعوة العريف

الدنيا دراعة كل واحد كيلبسها ساعة

الدوام يتقب الرخام

حكم و أمثال شعبية بالدارجة المغربية

* التاجر الا طلب لولاد كيجيه غير الريال و المسكين الا طلب الريال كيجيوه لعيال
* المزغوب حتى ليلة عرسو قصيرة
* الرزق قليل و طاحت فيه دبانة
* منديل صفية جيت نمسح فيه مسح فيا
* اللي تطوف ما تغزل الصوف
* انت مير و انا مير شكون يصوك هاد لحمير
* للا مليحة و زادتها ترويحة
* لا مزيانة للمنضر لا خفيفة كتسخر
* انا نشكيلو بالعكر و هو كيقول لي اش خبار الدراري
* حلفات العروسة ما تحب الحماة حتى تبياض الفحمة
* اللي شفتيها بسعدها عرفها كتكمل من عندها
* الدليل فالرجال هو اللي كيعطي الضحك لجار و الهم لدار
*الله يلعن كاس البلار اللي نشرب فيه المرار
* مول الطاحونة و السانية و المرا التانية حتى ليلة ما يباتها هانية
* خايبة و تنوس و لا غزالة و تهوس
* اعمى بن اعمى لي كيشوف الغيام فالسما و كيدير حيكو فالما
* قوت التقرقيب وقلة النقيب
* اللي عندو الزعفران بزاف كيديرو حتى فالبابوش
* عيني فيه و ما قديت عليه
* شي فالحلقوم شي تيقولو قوم
* مشات تيجب القزبر جات حاملة ب سبع الشهر
* المذبوحة كتضحك على المسلوخة .جات مقطوعة الراس قالت الله ينجينا من هاذ الناس
* العقبة ف وجه لحباب حدورة
* كل ما لعبت المعزة فقرون الجبال كتخلصو فدار الدباغ
* الحجلة الخفيفة من سعد الصياد
* فولة ما دير بيصار و فارس ما ينوض غبار
* سيدي حادق و لالا احدق منو ، سيدي احسابو القديد و لالا كتقطع منو
* غرزة زايدة فيا و هم لعرى فايت في
* اللي حب الخدم، لا بد يندم، لا سيفة زينة لا قلب مسلم
* العِيبْ ماشي على من حرث في السطح العيب لي فالموت وكاي يشطح
* انا تنكول لحبيبي وحبيبي تايقول لحبيبو وكلامي فين مامشيت نصيبو
* مَشْتَاقْ السَرْوالْ كُلُ سَاعَة يْحَلُو
* الحنة حرشة و الحناية عمشة و العروسة فيها بو تفتاف
* السوق حامي والدّْلاَّلْ رامي والشاري عْوْرْ
* كال لو آش المعمول يا قاضي فعيشه، كال لو طلقها وانا ناخدها
* كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة
* يجي لك يوم ياناكر خيري يوريك زماني من زمان غيري
* الزين بحروفو جيبوه ليا نشوفوا
* ولد ضبع غير ضبع الى سخرتو يشري لخميرة يشري شمع
* شي فالضحك غرقان اشي فالهم حيران
* اليد اللي طعمتنا الحلال تيكونو ناسها قلال
* هاك ابوه رجليه جابوه
* ما بين اللقمة و الفم تيريد ويحكم
* الي ما قدرات تكون نجمة فالسما,تكون شمعة فالدار
* اللي اربحتيه تاكله و الدين باش تخلصو ؟
* رضينا بالهم والهم ما رضا بينا درناه عند راسنا صبح عند رجلينا
* حساب الشكارة الربح أو الخسارة
* عمر الشطاح ما كاينسى هزة الكتف.
* البخيل اللهم فرجلو ولا في النعالة
* إلى بغاوك بلا ما تشقى ويلا كرهوك ما تكتر نفقة
* الزين ف الدفلة وعروقها حارين
* الهم هم ل**** .أما القط كيتسارا سبع ديار
* اللبن والزبدة كانو خواتات ما فرقوهم غير لعيالات
* نديرو فالحفرة وما نسمع حسو فدار اخرى
* الباب المحلولة كتدخل الغول و الغولة
* دباز لحباب من العتبة للباب
* الي وصل بلاد غير بلادو خل الهم لولادو
* اللي بغا يدفع البلا يتوضأ للصلا.
* ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
* انا في همو كندادي وهو فتقلاع وتادي
* كون تصحابها تكتاب, من دق الباب
* اللي ما تيخيط كساتو, يطيب غذاتو, يحلب شاتوموتو خير من حياتو
* وجه الشارفة ما يخفى, ولو تحكو بالحلفة
* اللهم النعاس في البرد ولا ضيافة القرد
* ما تعرف العدو من الصديق غير فالشدة والضيق
* كلها وحالو وأحوال الناس شلا .واحد بغا المعقول وواحد بغا يتفلا
* خيط وفتق .إيوا لعشية شوف آش تنفق
* إيوا هاذي خياطة حمقة.فين المقص فين الحلقة؟
* قولوا الله يهديهم دارو الخير مع الناس ونساو واليدهم
* اللي فالبيضة عر من اللي فقص .واللي فالكرش مضا من المقص
* الخير عقبة والشر حدورة
* الحنة ما زاة فظفارها والخطاب جابو خبارها
* مولات الرجالة كتطمع فالهجالة
* كون ما كانو حوايج العطار ما فالنسا ما تختار.
* كوليني يا موكة حتى الطيور عافوني
* زلقت بيه رجليه طيح الباطل على البلغة
* الرزق لحلال صافي بحال لهلال
* حانوت غالي ولا حانوت خالي
* اللي ما عندو مال ديما وجهو مذبال
* اللي بغا يكبر شانو …………….يحرث مع قرانو
* العين صعيبة تتقتل الكسيبة وتخوي الزريبة
* دابا كلينا وشربنا ……ونسينا الحرابل باش سعينا
* دخانهم عمانا………..وطعامهم ما جانا
* حبوبة ف وجهي حكيتها سال دمها ………خليتها زاد همها
* المرا إلى شافت الشيب بحال النعجة إلى شافت الذيب

أمثال و حكم مغربية

– ايلا تكبر عليك شي عيفة قول ما كيتنفخ غير الجيفة .
2- سيدي يحرث بلا سكة و لالا تغزل بلا فلكة و الهم جا لعندهم و تكا .
3- اللي بغا الزين يصبر لثقيب الودنين .
4- هو دق علينا و حنا عرفناه آشنو ناوي و جاوبناه الكبير في الكركاع خاوي .
5- اللي تلقا ايدو في جيبك عمرو ما يكون حبيبك .
6- الفم ما بقات فيه حتى سنة وما بغا يتهنا .
7- حتى شاب عاد دارو ليه الحجاب .
8- ما درنا بلا شواشي عساك ايلا درنا الشواشي .
9- اللحية في البيت و العايلة خرجات تجيب الزيت .
10- حاملة و مرضعة و جارا في يديها ربعة و طالعة لجبل تجيب لحبل .
11- زوجت بنتي تهنيت من صداعها رجعات جارة ربعة في صباعها .
12- جيب جيب حتى نحرثو الزبيب .
13- باع دارو و كرا عند جارو .
14- اللي ما دي منو فايدة و تكلس معاه على مايدة رفاكتو عا زايدة .
15- فلوس اللبن يديهم زعطوط .
16- ثلاثة من علامات الهبال: الغادي السوق بلا مال و الغادي البير بلا حبال و الكالس وسط الجماعة و ما رادش البال .
17- ثلاثة من علامات العذاب : الركاد في الجلاب و الشريب من فم القراب و الزواج ببنت الكلاب .
18- اللي في النصلة يكرض البصلة .
19- الضيف كيسلم و مول الدار كيخمم .
20- مية تخميمة و تخميمة و لا ضربة بمقص

صلاة القياد.. غي الجمعة والأعيـاد

كل خنفـوس عنـد أمـه غـزال

مـال الطمـاع كياكلو الكـذاب

العـرى كيعلـم الخيـاطة؛ والجـوع كيعلم السقـاطة

اللي لعب مع الكلب كيلحـس له فمه

اللي دار راسو في النخـالة كينقبـوه الدجـاج

لغـشـيـم كايـديـر كـلـشـي

فاش عـاش بـلارج حـتى جـا الجراد

اللي فيك ألـولية رديه لي

كياكل التبن ويتكـرع لقيـامة

اللي بغى لـعسـل يصبـر لعض النحـل

ديـر النية ونـعـس مع الحية تصبـح لك حـاجتك مقضية
إتبع الحمـار يعلمك الشهيق ولآ النهيق ولآ خـرجـان الطـريق

ما تضرب حتى تقـرب و ما تصحـب حتـى تـجـرب

اقـرأ يـس وديـر حجـرة في يدك

إلى جـات الشتا فالصمـايـم ديـر راس مالك فتة لبهـايـم

حـرث الليالي كيف الأول كيف تـالي

الشرط قبل الحرث ولآ الخصـومة فالنـادر

اللي كلع لشي و اعطى لشي كيمشي له كل شي

اللي مـا يغيـر ولا يحـيـر يستاهـل النحير

اللي مشى مع الطـريق ما يدكـو شـوك

ما تديـر يديك في غيـران ما يعضوك حنوشة

اللي بغى الكـراب فالصمـايـم يصحبه فالليالي

اللي دار الخيـر في شعبـان يلكـاه قي رمضان

لمشـارط بالحشف كيصلي بالكـاعـدية

المر ما يحلى و لو درتو قي جبح النحلة

اللي قطع شي شطبة يجـرها

اللي ما دار راي كبيرو الهم تدبيـرو

ولفو عـادة واقطعلو عاده؛ عليها تتعادى

خـبزي تحت باطي وما سمع حـد عياطي

 

قدمنا لكم عبر موقعنا ” لحظات ” امثال وحكم مغربية ” نتمني أن تنال أعجباكم وللمزيد من الحكم زورو موقعنا ” لحظات “

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *