التخطي إلى المحتوى

مرحباً بكم في موقع لحظات الذي يقدم لكم كل جديد , واليوم نقدم لكم اشعار خالد الفيصل عن الحب ,

خالد الفيصل، هو الأمير خالد الفيصل بن عبد العزيز آل سعود، وهو يعدّ أمير منطقة مكة المكرمة، ومستشار الملك، وهو شاعر؛ حيث إنّ له الكثير من الأشعار في الحب وغيره , ونتمني أن ينال اعجابكم .

يا عيونه

يا عيونه بس يكفيني عذاب

بالذي ودّك تقولينه دريت

كل ما قلتيه عندي له جواب

إقري عيوني مثل ماني قريت

يا ذهاب العمر عمري في ذ هاب

القوي الله فلكن ما قويت

ما بقى لي قلب منك القلب ذاب

بيّن حالي ولوني ما حكيت

كل ما قلت انفتح لي فيه باب

دار حظّي وانقلب عمّا نويت

دوك شيبي لاح في حل الشّباب

كلٍ بحظه وأنا بحظّي شقيت.

يا مدور الهين

يا مدور الهين ترى الكايد أحلى

أسأل مغنِّي كايدات الطروقِ

الزّين غالي لكن الأزين أغلى

ولكل شرّاي بضاعة وسوقِ

النّور عالي والسما فوقه أعلى

اللي فاق علمٍ جاه علمٍ يفوقِ

الصّعب هلّى قلت يا صعب سهلا

دامك تبيني فانت يا صعب شوقي

أحب أعسف المهرة الّلي تغلّى

وأحب أروض كل طرفٍ يموقِ

وأحب أسافر مع سحابٍ تعلَّى

وأحب فوق الغيم لمع البروقِ

وأحب أساهر بدري الّلي تجلّى

وأرسم شعاع الشمس عند الشروقِ

يا من على ثاير فوادي تولّى

خلّك على قلب الكرامة شفوقِ

أكرم عزيزٍ بالعمر ما استذلاّ

يسوق عمره للمشاريف سوقِ

اخترتك من الناس للقلب خلاّ

يا حيثك مرادي وكيفي وذوقي

ما رحت أدوّر كل زولٍ تحلّى

لولاك تسوى ما عطيتك خفوقي

مرتاح أحبّك

مرتاح أحبّك ولا علّمت
حتى انت عيّيت أبين لك
والبارحة يوم أنا سلّمت
شكّيت لو عيني تدلك
برقٍ لمع بالعيون وخفت
مواجع القلب توصل لك
عساك في ناظري ما شفت
كيف المعاليق يومن لك
من خوفتي لا أحترق جنّبت
هربت من شمسك لظلك
أخشى عليك الهوى لو طحت
ما تلني يمّك يتلّك
أبي قليلك ولا حصّلت
بعضك تركني مع كلّك
ما أدري صواب أو خطا ما قلت

إنّك حبيبي وأنا خلّك ..

القلب للقلب

ما هو صحيح القلب للقلب شاهد

لو هو صحيح أصبحت مفتون فيني

بيني وبينك حب من قلب واحد

ليته يجيك من الهوى ما يجيني

وليتك تعرف الشوق لي صار واجد

وليتك تعرف أوجاع كثر الحنينِ

ما قد شكيت الحر والجو بارد

ولا سهرت بليل طول السنينِ

ولا مشيت العمر والحظ قاعد

ولا تحديت الألم والونينِ

أضحك وأنا لجروح الأحباب جاحد

أداري المكنون عن كل عينِ

ما ودي أفرّح على القلب حاسد

وإلا عذابي في عيوني يبينِ

شيٍ يهون وشي بالحيل كايد

يا كود تجريح الخفوق الحزينِ

من عانده وقته وقلبه يعاند

مالت به الدنيا يسار ويمينِ

غرّتني أمثال العرب بالشواهد

يبيك قلبي وأحسب إنك تبيني

يا قصيدة عمري

يا قصيدة عمري الّلي تكتبيني

كل يومٍ حرف من نغمة هواك

ارحميني بالهوى وإلا اذبحيني

لا تخليني معلّق في سماك

كل ما خذتي عمر منّي عطيني

لحظةٍ من ساعةٍ داخل حماك
الحياة أشوفها والموت فيني

والعذاب الّلي بغاك ولا لقاك

يسهر الليل وقمر طيفك بعيني

والشّعاع الصبح يوقظ بي رجاك

إن حدا حادي تولاني حنيني

وإن عرض طيفك على طرفي بكاك

كيف هذا من هوى قلبي يجيني

يا أرقّ الناس قولي وش دهاك

لو تماديت بملامي سامحيني

كم تماديتي بذبحي من طغاك

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *